第二集_自我評估

Introduction

• 身體嘅衰退主要分為兩部份：第一個係內在衰老，即係基因或者自然衰退，第二個係外在衰老，係由於陽光、污染、藍光、不良生活習慣等因素所導致。
• 內在衰老唔能夠改變，但係外在衰老我哋可以透過醫學美容去幫助。市面上而家有激光、射頻、高頻道超聲波、保濕針、果酸等療程可以針對性解決唔同皮膚問題。
• 每個年齡段嘅皮膚狀態都各自嘅問題同解決方法，但係出世年齡並唔等於皮膚年齡，有啲人嘅皮膚年齡可能已經遠超越或者後生過佢嘅實際年齡。
• 相信大家都好想知道自己而家嘅皮膚狀況究竟係處於邊個階段，今集就係教大家自己喺屋企評估返自己嘅皮膚狀態。
• 我哋有一條方程式可以畀大家去評分，入面有三個部份。第一係主觀嘅感受，第二係客觀嘅皮膚分析，第三係輪廓分析。

Topic 1: 主觀感受分析

• 首先我哋睇吓主觀嘅感受。我哋睇吓呢個表，佢係經過研究，收集咗1千個人對自己面貌嘅感受，而得出嚟嘅結果。
• 呢一部分有八個項目需要我哋去作出評分。第一；你個樣睇落去係咪好攰，第二，你嘅皮膚睇落去係咪好鬆弛；第三，你個樣睇起上嚟係咪好有吸引力；
• 第四，你塊面睇落去係咪瘦啲；第五，你塊面睇落去係咪冇咁瘦；第六，你嘅樣睇落去係咪好惡；第七，你嘅樣睇落去係咪好後生；第八，你個樣睇落去係咪好女性化。
• 喺研究入面，最多人關注嘅頭三個問題就係，自己睇落去係咪好後生，好攰，同埋好鬆弛。
• 大家可以喺呢8個項目入面揀三個出嚟，咁我哋就知道邊幾個問題係我哋面對緊嘅，急需要去解決嘅。
• 如果揀到1項就係8分，兩項就係7分，3項就係6分。

Topic 2: 客觀的皮膚分析

• 第二部份係客觀嘅皮膚分析，呢個部分有7個項目，我哋要逐個項目畀自己一個評分，最低分係零分，最高分係10分。
• 第一個係皮膚顏色，面對塊鏡，睇吓自己嘅膚色均唔均勻；
• 第二個係皮膚嘅厚度，你可以用手搣一下自己塊面感受吓，好薄嘅話就係1分，好厚嘅話就係10分；
• 第三個係面部嘅油份，你可以用吸油紙抹一抹塊面，如果張紙吸到好多油就係1分，無乜油就係10分；
• 第四個係面部鬆弛度，面對塊鏡，睇吓自己塊面有冇下垂嘅跡象，如果好鬆弛就係1分，好緊緻就係10分；
• 第五個係面部強度，你可以用手㩒下自己塊面，如果塊面好實淨嘅就係10分，如果無咁實，好易㩒扁就係1分；
• 第六個係塊面嘅平滑度，如果無乜毛孔就係10分，如果好多粒粒、毛孔粗大就係1分；
• 第七個係水潤度，同油度唔同，油份係喺皮膚表面嘅，越少越好，水份係係喺皮膚底層嘅，越多越好，如果覺得好乾就係1分，好水潤就係10分。
• 除咗第二個皮膚厚度嘅評分之外，將其他6個嘅分數全部加埋一齊，再除以6 ，就係你係客觀皮膚分析中嘅分數。
• 最好嘅分數係8分或以上，如果低於8分即係代表你嘅皮膚狀態有進步嘅空間。

Topic 3: 輪廓分析

• 第三部份係輪廓分析，我哋可以對住塊鏡，睇吓自己塊面邊啲位比較凹，例如太陽穴凹咗入去，額頭好平，蘋果肌唔夠凸。
• 如果覺得自己輪廓已經好唔錯，可以畀10分自己。
• 另外，我哋都要睇一個比例，就係眼眉去到髮線，眼眉去到鼻，同埋鼻去到下巴嘅比例，呢3個嘅比例大致上要一樣，先係比較靚嘅輪廓。如果比例相差比較遠，輪廓評分就比較低。
• 3個部分嘅分析總分係30分，計晒呢3個部份嘅分數後，如果有80%或以上，即係24分或以上，就代表皮膚狀態比較好。如果分數比較低，我哋之後可以根據返自己嘅評分，睇返邊啲部位嘅分數比較低，針對問題做返相應嘅治療。

Topic 4: 牙齒分析

• 頭先所講嘅都係靜止時嘅狀態，但當我哋笑嘅時候會露出牙齒，如果排牙唔靚其實都好影響觀感。
• 靚嘅牙型，笑起上嚟嘅時候，上排牙齒嘅中間線同下排牙齒嘅中間線要吻合，其次要睇中間兩隻牙，係要相對其他牙比較大嘅，第三就係牙嘅色澤，最好嘅顏色係同眼白類似。

Ending

• 做完自我評估，搵到自己面對緊嘅皮膚問題，下一集我哋就會針對唔同嘅皮膚問題建議合適嘅治療方案。
• 醫學美容療程其實就係減緩我哋嘅身體衰老嘅速度。好多人會擔心做咗醫學美容後睇落會好唔自然，其實只要跟程序去做，就可以保持自然嘅狀態。